XX. mendeko Euskararen Corpus estatistikoa

Testuingurua

GALERA EDERRA

Hertsi, hertsi ditzagun begiak...
Triste dira gorputz hautsiak
ametsaren lurrean,
zure begien altzoan.

Zabal, zabal ditzagun bularrak...
Labur dira egunak
amodioaren bestaldean,
zure bihotz baketsuan.

Hertsi, hertsi ditzagun eskuak...
Beldur da askatasuna
haize ederrez inguratua,
zure beso beheratuetan.

Zabal, zabal ditzagun ezpainak...
Goibel da bizitza
bakarrizketa mutuan.
zure hitz ilunean.

Zabal. zabal ditzagun begiak, bularrak,
inork ez igertzeko moduan,
Hertsi. hertsi ditzagun eskuak, ezpainak,
lasai eta isilik egon daitezen.